今早讀了一篇網誌文章，有感而發，改編了少少，因套落某些機構的場境，竟出奇地貼切：
睇一個機構有冇朽壞，好簡單，如果個機構領導「丁蟹化」，咁就一定朽壞緊。
丁蟹個格係點？覺得自己好好人，好為得人，
而佢一定做得啱，錯嘅一定係人哋，
迫到人家破人亡仍然自我感覺良好，呢種固執，
到死嗰日都唔會覺悟，仍然將責任推晒畀人。
就好似丁蟹迫死玲姐嗰一幕，佢留住眼淚睇住畀自己迫瘋迫死嘅玲姐，然後喊苦喊忽咁話：「阿玲，你唔鍾意我點解唔早啲同我講……」
過咗一陣，佢對方展博怒目相向，大喊：「係你害死阿玲，係你害死阿玲……」
古有「圖靈測試 Turing Test」，今日大家不妨用呢個「丁蟹測試 Ting-hai Test」，
就可以檢驗閣下機構之領導有冇丁蟹化？繼而反省機構是否正在朽壞？
我敢說，每個機構領導層及辦公實室，總有一兩隻丁蟹。
說起來有點離經叛道，iGardener 老師投身教育多年，能夠維持那團火實在不易。
不是靠甚麼「講易做難」、正能量、心靈雞湯式的鼓勵文，乃靠不甘自欺及敢講真話的傻勁。
所以我新設了這個「每天來點負能量系列」，不習慣面對學界真實的同工，不用為難自己，大可不看。
眼見不少學界機構不務正業，正如早前一篇文章「Never solve a non-problem」，機構的朽壞乃始於領導層棄真正的問題不顧，而花自己甚至團隊的心力去解決一些「不是問題的問題 – non-problem」。
學界領導經常犯 programming 的大忌，「搵嘢嚟改」，是要顯得自己「做得嘢」。
但卻不敢碰真正爛透的問題，當我聽到甚麼甚麼「先導計劃」，我就聯想到上述教條。
iGardener 最近與同工閒談中，不約而同都聽到所屬服務機構的大小問題，當中不外乎領導層不願面對機構的管理問題，問題越久越不願面對，面對也不願意，遑論去解決呢喃！
我靜下來深思，領導層不願面對或解決問題，固然會令一個機構開始「停止進步」，更嚴重的是這個機構會「朽壞」或「發霉」，不能輕易走回頭。
而朽壞乃始於領導層棄真正的問題不顧，而花自己甚至團隊的心力去解決一些「不是問題的問題 – non-problem」。
這本書《Never Solve a Non-Problem》的作者Tony Carter，對這課題提供不少清楚的定義和論點，雖然此書的對象是企業家，我覺得也十分適合教育同工細讀，反思互勉。
